Nüfuzlu beynəlxalq təşkilat SOCGOV 2026 barədə məlumat paylaşıb

09.09.2026

Beynəlxalq Sosial Təminat Assosiasiyasının (BSTA/ISSA) rəsmi saytında Əmək və Əhalinin Sosial Müdafiəsi Nazirliyinin tabeliyindəki DOST Agentliyi tərəfindən təşkil olunan “SOCGOV 2026 – Ağıllı idarəetmə üçün rəqəmsal təhlil” beynəlxalq forumu barədə geniş məlumat yerləşdirilib.

Məlumatda bildirilir ki, 23 oktyabr 2026-cı il tarixində Xankəndi şəhərində keçiriləcək forum sosial sahədə dialoq, əməkdaşlıq və innovasiyaların təşviqi üçün qlobal platforma rolunu oynayır. Qeyd olunub ki, tədbir iştirakçıları yuxarı səviyyəli müzakirələrdə iştirak etmək, beynəlxalq tərəfdaşlıqları genişləndirmək və sosial xidmətlərin göstərilməsini təkmilləşdirən innovativ həllərlə tanış olmaq imkanı əldə edəcəklər.

Həmçinin BSTA-nın saytında forumun tərkib hissəsi olan “AI4DOST Social Award 2026” beynəlxalq müsabiqəsinə müraciətlərin qəbulunun davam etdiyi vurğulanıb. Diqqətə çatdırılıb ki, sosial sahənin inkişafına töhfə verən qabaqcıl təşəbbüslərin dəstəklənməsi məqsədilə keçirilən müsabiqə 4 əsas kateqoriya üzrə təşkil olunur.

Məlumatda müraciətlərin 15 sentyabr 2026-cı il tarixinədək www.socgov.az rəsmi saytı vasitəsilə qəbul edildiyi və qaliblərin “SOCGOV 2026” forumu çərçivəsində təntənəli şəkildə elan olunacağı qeyd edilib.

https://www.issa.int/events/external/socgov2026

09.09.2026

Digər xəbərlər

Aktual xəbərlər

Yerli və qlobal AI xəbərləri, sosial texnologiyalar və idarəetmədə innovasiyalar barədə ən son yeniliklər

Bütün xəbərlər

18.06.2026

Xankəndi “SocGov 2026” beynəlxalq konfransına ev sahibliyi edəcək

Bu ilin oktyabr ayında Xankəndi şəhərində “SocGov2026: Ağıllı idarəetmə üçün rəqəmsal təhlil” adlı beynəlxalq konfransın keçirilməsi planlaşdırılır.Əmək və Əhalinin Sosial Müdafiəsi Nazirliyinin tabeliyində DOST Agentliyinin təşkilatçılığı ilə keçiriləcək tədbir sosial idarəetmə, rəqəmsal transformasiya və innovativ həllər sahəsində beynəlxalq müzakirə və əməkdaşlıq platforması kimi nəzərdə tutulur. Məqsəd sosial sahədə qlobal əməkdaşlığı və təcrübə mübadiləsini gücləndirmək, innovativ texnoloji həlləri təşviq etmək, inklüziv dəyərlərin möhkəmlənməsinə töhfə verməkdir.Tədbirdə rəqəmsal təhlil, süni intellekt, etik idarəetmə və data əsaslı qərarvermə kimi mövzular müzakirə olunacaq.Konfransda müxtəlif ölkələrin, beynəlxalq təşkilatların, innovasiya və texnologiya sahəsində fəaliyyət göstərən tərəflərin nümayəndələri, ekspertlər və tədqiqatçıların iştirakı nəzərdə tutulur.Tədbir çərçivəsində “Sosial sahədə süni intellekt əsaslı rəqəmsal həllər”, “Sosial könüllülük və vətəndaş təşəbbüsləri”, “Sosial inkişafa elmi töhfə”, “Regional sosial təşəbbüs” nominasiyaları üzrə müsabiqə keçiriləcək.

Ətraflı məlumat

05.06.2025

SOCGOV 2025: Azərbaycanda Süni Zəka və Transformasiya üzrə Beynəlxalq Konfrans

Bu ilin oktyabr ayında Bakıda “SOCGOV 2025: Süni zəka İnsan və Transformasiya üçün” adlı beynəlxalq konfrans keçiriləcək. Tədbir DOST Agentliyi tərəfindən təşkil olunacaq. Konfrans süni zəka, texnoloji transformasiya və insan cəmiyyəti sahələrində ixtisaslaşmış dövlət rəsmiləri, yerli və beynəlxalq ekspertləri, eləcə də alimləri və beynəlxalq təşkilatların nümayəndələrini bir araya gətirəcək.

Ətraflı məlumat

18.09.2025

Sosial xidmətlərin gələcəyinə Azərbaycan imzası

Müasir dövrdə sosial xidmətlərin inkişafı və rəqəmsal texnologiyaların bu sahəyə inteqrasiyası dövlət-vətəndaş münasibətlərinin yeni mərhələsini formalaşdırır. Azərbaycan bu istiqamətdə öncül təşəbbüsləri ilə seçilir və bu il ölkəmizdə keçiriləcək ilk "SOCGOV 2025" beynəlxalq konfransı qlobal miqyasda mühüm hadisə kimi qiymətləndirilir.

Ətraflı məlumat

Bütün xəbərlər