“Judicial Studies Consortium” (JSC) təşkilatında “Effektiv ədalət mühakiməsinə töhfə” adlı layihə çərçivəsində statistik tədqiqat analitiki, Beynəlxalq Vətəndaşlıq Vəziyyəti Komissiyasında texniki direktor vəzifələrində çalışıb. Həmçinin “Demokritos” Milli Elmi Tədqiqat Mərkəzində informasiya mübadiləsi, elektron səhiyyə və elektron hökumət üzrə tədqiqat layihələrində iştirak edib.

Afina Universitetinin Hüquq fakültəsində “Hüquq və informatika” fənnini, Afina Texniki Təhsil İnstitutunda isə rəqəmsal kitabxanalar və inteqrasiya olunmuş kitabxana tətbiqləri fənnini tədris edib.

“Müxtəlif ölkələrin dövlət qurumları arasında təhlükəsiz informasiya mübadiləsi” mövzusunda fəlsəfə doktoru (PhD), İnformasiya elmləri üzrə magistr, Elektronika mühəndisliyi və Kompüter elmləri üzrə bakalavr dərəcələrinə malikdir.

Dövlət xidmətinə qədər Böyük Britaniyada texnologiya sektorunda əməliyyatların idarə edilməsi, satınalma və strateji tərəfdaşlıqlar üzrə rəhbər vəzifələrdə çalışıb.

Əsas fəaliyyət istiqamətləri qeyri-formal məşğulluğun azaldılması, sosial xidmətlərin “vahid pəncərə” prinsipi əsasında təşkili, əmək qanunvericiliyinin təkmilləşdirilməsi və sosial sığorta sahəsində islahatlardır. Moldova-Aİ üzvlük prosesi çərçivəsində “Sosial siyasət və məşğulluq” üzrə 19-cu fəsil üzrə İşçi Qrupun sədri kimi fəaliyyət göstərib və Aİ qanunvericiliyinin Moldova milli qanunvericiliyinə uyğunlaşdırılması prosesində iştirak edir.

Ləman İbrahimova ASAN Süni İntellekt Mərkəzinin (ASAN AI Hub) rəhbəri və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnnovasiyalar Mərkəzində direktor müşaviridir.

Onun rəhbərliyi ilə ASAN AI Hub real problemlərə əsaslanan açıq innovasiya modelini inkişaf etdirərək tədqiqatçıları, dövlət qurumlarını, özəl sektoru və fərdi istifadəçiləri vahid rəqəmsal mühitdə bir araya gətirir.

Ləman İbrahimova dövlət sektorunda innovasiya üzrə geniş təcrübəyə malikdir. O, Oksford Universitetində İctimai Siyasət üzrə magistr təhsili zamanı Şeffild Universiteti ilə əməkdaşlıq çərçivəsində dövlət sektorunda süni intellektin məsuliyyətli tətbiqi üzrə tədqiqat aparıb.

O, həmçinin dünyanın ən böyük dövlət qulluqçusu icması - “Apolitical” tərəfindən açıqlanan və süni intellektin dövlət idarəçiliyində tətbiqinə töhfə verən aparıcı dövlət qulluqçularını bir araya gətirən “Government AI 100–2026” qlobal siyahısına daxil edilib.

Xəyalə Fətullayeva dövlət sektorunda transformasiya, qabaqcıl texnologiyalar, rəqəmsal kommunikasiyalar və strateji tərəfdaşlıqlar sahəsində 15 ildən artıq təcrübəyə malik rəqəmsal iqtisadiyyat və innovasiya ekspertidir.
X.Fətullayevanın fəaliyyət xətti süni intellekt, rəqəmsal transformasiya və Sənaye 4.0 texnologiyalarının insan kapitalı və innovasiya ekosistemləri vasitəsilə inkişafına istiqamətlənib.
Fəaliyyətinin prioritetini yeni texnologiyaların müvafiq dövlət siyasəti təşəbbüsləri, ekosistemin qurulması, beynəlxalq tərəfdaşlıqlar və potensialın artırılması proqramları vasitəsilə real iqtisadi və sosial dəyərə çevrilməsi təşkil edir.

Türkiyənin "Doğuş Teknoloji" şirkətində "Data Science Group Manager" vəzifəsində çalışır. 

Süni intellekt, data elmi və rəqəmsal transformasiya sahəsində 20 ildən artıq peşəkar təcrübəyə malikdir. Müxtəlif qurumlarda məlumat analitiki, məlumat elmi üzrə menecer, süni intellekt və məlumatlar üzrə rəhbər vəzifələrdə çalışıb.

Onun süni intellekt əsaslı avtomatlaşdırma vasitəsilə xalis qənaət əldə edilməsi, xəstəliklərin aşkarlanması üçün öyrənmə modeli və texniki nasazlıqların aşkarlanması layihələri “SAP Innovation Award” mükafatına layiq görülüb.

Ankara Universitetinin "Statistika" ixtisası üzrə bakalavr, "Biznesin idarə edilməsi üzrə" magistratura səviyyəsini bitirib. Həmçinin Bahçeşehir Universitetində "Böyük verilənlərin analitikası və idarə edilməsi" üzrə magistr təhsili alıb.

Nicat Hacıxanov hazırda Lüksemburq Milli Data Xidmətində data idarəçiliyi sahəsində Aparıcı Data Steward vəzifəsində çalışır. Onun fəaliyyəti data idarə edilməsi, nəzarət və data keyfiyyəti, eləcə də data xidmətlərinin inkişafı istiqamətlərini əhatə edir. 

O, Lüksemburqda dövlət qurumları ilə data idarəçiliyi strategiyalarının hazırlanması, data idarə edilməsi üzrə yetkinlik səviyyəsinin qiymətləndirilməsi və institusional potensialın artırılması təşəbbüsləri çərçivəsində layihələr həyata keçirir. Bununla yanaşı, Lüksemburq Süni İntellekt Fabriki (AI Factory) təşəbbüsündə də iştirak edir. 

Nicat Lüksemburq Universitetində maliyyə və mühasibat uçotu üzrə fəlsəfə doktoru (PhD) elmi dərəcəsi alıb.