Tez-tez verilən suallar

SocGov (“Society” (cəmiyyət/socium), “Governance” (idarəetmə/dövlətçilik)) – sosial sahədə innovativ dövlət idarəetməsinə yönəlmiş qlobal təsir imkanı olan təşəbbüsdür.

“SOCGOV 2026: Ağıllı idarəetmə üçün rəqəmsal təhlil” mövzusunda beynəlxalq konfrans və sosial mükafat — sosial idarəetmədə innovasiyanın, dövlət xidmətlərinin göstərilməsinin təkmilləşdirilməsinin və inklüziv siyasətlərin hazırlanmasının təşviqinə həsr olunmuş beynəlxalq konfrans və mükafatlandırma mərasimidir.

SOCGOV 2026 tədbirinin əsas məqsədi sosial siyasətin formalaşdırılmasında rəqəmsal təhlil, süni intellekt və məlumat (data) əsaslı qərarvermə mexanizmlərinin rolunu gücləndirmək, regional və beynəlxalq əməkdaşlıq platformasını genişləndirməkdir.

SOCGOV 2026 Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dayanıqlı və Operativ Sosial Təminat (DOST) Agentliyi tərəfindən təşkil olunur.

SOCGOV 2026 23 oktyabr 2026-cı il tarixində Azərbaycan Republikasının Xankəndi şəhərində keçiriləcəkdir.

SOCGOV 2026 əyani olaraq keçirilən və əlavə olaraq hibrid iştirak imkanları təqdim edən qlobal konfrans və mükafatlandırma mərasimi formatında təşkil olunur.

•    dövlət qurumlarının nümayəndələri 
•    beynəlxalq təşkilatlar 
•    qeyri-hökumət təşkilatları və vətəndaş cəmiyyəti təşkilatları 
•    akademik və elmi-tədqiqat müəssisələri 
•    sosial innovatorlar, startaplar və müəssisələr 
•    sahəvi ekspert və mütəxəssislər və s. 

SOCGOV-un missiyası sosial xidmətlərdə innovativ tətbiqlərin qlobal miqyasda mübadiləsinə nail olmaqdır.

SOCGOV 2026 aşağıdakı mövzuları əhatə edir:

-       sosial xidmətlərin rəqəmsallaşdırılması və innovativ idarəetmə modellərinin tətbiqi;

-       süni intellekt və data analitikası vasitəsilə qərarvermə proseslərinin təkmilləşdirilməsi;

-       sosial sahədə qabaqcıl beynəlxalq təcrübənin öyrənilməsi və tətbiqi imkanlarının müzakirəsi;

-       dövlət, özəl sektor və beynəlxalq təşkilatlar arasında əməkdaşlığın təşviqi

-       sosial sahədə innovativ həllərin tanıdılması və mükafatlandırılması.

Konfransda iştirak etmək üçün aşağıdakı link vasitəsilə qeydiyyatdan keçərək müraciət edə bilərsiniz:
socgov.az/az/registration

“SocGov 2026 – Ağıllı idarəetmə üçün rəqəmsal təhlil” konfransı çərçivəsində sosial sahədə innovativ təşəbbüslərin, elmi yanaşmaların, vətəndaş iştirakçılığının və fərdi liderliyin təşviqi məqsədilə müsabiqə elan olunur.

Müsabiqənin məqsədi sosial sahədə qabaqcıl təcrübələri, innovativ həlləri, sosial təsiri yüksək olan təşəbbüsləri və bu istiqamətdə fərqlənən fərdləri müəyyən etmək, onların fəaliyyətini təşviq etmək və ictimai tanınmasını təmin etməkdir.

Müraciətlərin qəbulu başa çatdıqdan sonra təqdim olunmuş ərizə və materiallar sistemləşdirilərək münsiflər heyətinə təqdim ediləcək.

Münsiflər heyəti tərəfindən qiymətləndirmə mərhələsinin 1 avqust 2026-cı il tarixindən 1 oktyabr 2026-cı il tarixinədək həyata keçirilməsi nəzərdə tutulur.

SOCGOV komandası ilə əlaqə yaratmaq üçün info-socgov@sosial.gov.az elektron poçt ünvanına yaza və yaxud +994 12 525 50 26 nömrəsi ilə əlaqə saxlaya bilərsiniz.  

Müsabiqədə iştirak etmək üçün aşağıdakı link vasitəsilə qeydiyyatdan keçərək ərizə formasını təqdim etməklə müraciət edə bilərsiniz:

socgov.az/az/application

Təqdim olunmuş müraciətlər aşağıdakı meyarlar əsasında qiymətləndiriləcək:

• İnnovativlik və texnologiya – 25 bal
• Sosial təsir və inklüzivlik – 25 bal
• Dayanıqlılıq – 20 bal
• Etik və rəqəmsal idarəetmə – 15 bal
• Əməkdaşlıq və tərəfdaşlıq – 15 bal

Qiymətləndirmə meyarları ilə bağlı ətraflı məlumatı aşağıdakı linkdən əldə edə bilərsiniz.

socgov.az/az/evaluation

•    dövlət qurumları; 
•    qeyri-hökumət təşkilatları və vətəndaş cəmiyyəti təşkilatları; 
•    akademik və elmi-tədqiqat müəssisələri ;
•    sosial innovatorlar, startaplar və müəssisələr; 
•    sahəvi ekspert və mütəxəssislər.

SOCGOV 2026 Mükafatı aşağıdakı kateqoriyalar üzrə təqdim olunur:

1. Sosial sahədə süni intellekt əsaslı rəqəmsal həllər

Bu kateqoriya üzrə sosial xidmətlərin göstərilməsində və sosial rifahın idarə olunmasında süni intellekt, məlumat analitikası və digər rəqəmsal texnologiyalara əsaslanan innovativ həllər üzrə təqdimatlar qəbul edilir.

2. Sosial könüllülük və vətəndaş təşəbbüsləri

Bu kateqoriya üzrə sosial rifahın yaxşılaşdırılmasına yönəlmiş könüllülük fəaliyyətləri, vətəndaş təşəbbüsləri, icma əsaslı layihələr və həssas qruplara dəstək mexanizmləri üzrə müraciətlər qəbul edilir.

3. Sosial sahənin inkişafına elmi töhfə

Bu kateqoriya üzrə sosial siyasət, sosial xidmətlər, sosial rifah, rəqəmsallaşma və sosial idarəetmə sahələrində elmi araşdırmalar, analitik tədqiqatlar və akademik töhfələr qiymətləndirilir.

4. Regional sosial təşəbbüs

Bu kateqoriya üzrə regionlarda sosial problemlərin həllinə yönəlmiş, yerli ehtiyaclara uyğun, innovativ və davamlı icma əsaslı təşəbbüslər və layihələr üzrə müraciətlər qəbul edilir.

5. Fərdi nominasiyalar

5.1. İlin gənc sosial innovatoru

5.2. Sosial transformasiya lideri / təşəbbüskarı

5.3. Sosial sahənin inkişafına davamlı töhfəyə görə