Hakimə Şirəlizadə İsveçin Stokholm şəhərində fəaliyyət göstərən təcrübəli süni intellekt tədqiqatçısıdır. O, telekommunikasiya sahəsində izah edilə bilən süni intellekt, neyron şəbəkələrdə qeyri-müəyyənliyin kəmiyyətləşdirilməsi və etibarlı süni intellekt sistemləri üzrə ixtisaslaşıb. Fəaliyyəti sənaye standartlarına, tənzimləyici tələblərə və formalaşmaqda olan süni intellekt idarəçiliyi çərçivələrinə uyğun olaraq süni intellekt sistemlərinin hazırlanması və qiymətləndirilməsinə yönəlib.

Hakimə "Ericsson AB" şirkətində telekommunikasiya sahəsində süni intellekt sistemləri üzrə risklərin təhlili üzrə işçi qrupuna rəhbərlik edir. O, həmçinin yüksək riskli süni intellekt tətbiqlərinə xüsusi diqqət yetirməklə, Aİ-nin Süni İntellekt Aktı üzrə standartlaşdırma prosesinə töhfə verən İsveçin milli eksperti kimi fəaliyyət göstərir.

Hakimə Şirəlizadə bakalavr təhsilini Bakı Dövlət Universitetində və Orta Doğu Texniki Universitetində Biznes statistikası və İqtisadiyyat ixtisasları üzrə alıb. Magistr dərəcəsini isə Linköpinq Universitetində Beynəlxalq Təşkilatlarda Strategiya və İdarəetmə ixtisası üzrə əldə edib.

Ləman İbrahimova - ASAN Süni İntellekt Mərkəzinin (ASAN AI Hub) rəhbəri və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnnovasiyalar Mərkəzində direktor müşaviridir.

Onun rəhbərliyi ilə ASAN AI Hub real problemlərə əsaslanan açıq innovasiya modelini inkişaf etdirərək tədqiqatçıları, dövlət qurumlarını, özəl sektoru və fərdi istifadəçiləri vahid rəqəmsal mühitdə bir araya gətirir.

Ləman İbrahimova dövlət sektorunda innovasiya üzrə geniş təcrübəyə malikdir. O, Oksford Universitetində İctimai Siyasət üzrə magistr təhsili zamanı Şeffild Universiteti ilə əməkdaşlıq çərçivəsində dövlət sektorunda süni intellektin məsuliyyətli tətbiqi üzrə tədqiqat aparıb.

O, həmçinin dünyanın ən böyük dövlət qulluqçusu icması - “Apolitical” tərəfindən açıqlanan və süni intellektin dövlət idarəçiliyində tətbiqinə töhfə verən aparıcı dövlət qulluqçularını bir araya gətirən “Government AI 100–2026” qlobal siyahısına daxil edilib.

Rəşad Zalov dövlət sektorunda strateji idarəetmə, planlaşdırma və institusional inkişaf istiqamətlərində uzunmüddətli peşəkar təcrübəyə malikdir. Onun fəaliyyətinin əsas istiqamətlərini strateji planlaşdırma, innovasiyaların tətbiqi, institusional inkişaf və müasir idarəetmə yanaşmalarının dövlət sektorunda təşviqi təşkil edir.

Rəşad Zalov beynəlxalq təlim və peşəkar inkişaf proqramlarında iştirak edərək müasir dövlət idarəçiliyi və innovasiya yanaşmaları üzrə bilik və təcrübəsini davamlı şəkildə inkişaf etdirir. Bu istiqamətdə, dövlət idarəçiliyində süni intellekt və yeni texnologiyaların tətbiqi istiqamətlərini əhatə edən və "Apolitical" platforması tərəfindən təşkil olunan müxtəlif təlim və inkişaf proqramlarında iştirak edib.

O, Stanford University School of Engineering – Center for Global & Online Education tərəfindən təşkil olunan "AI Leadership" kursunda iştirak edərək süni intellektin liderlik, idarəetmə və təşkilati transformasiya proseslərində tətbiqi üzrə biliklərini genişləndirib.

Onun peşəkar fəaliyyəti strateji baxışın, innovasiya yönümlü yanaşmanın və müasir texnologiyaların dövlət idarəçiliyinə inteqrasiyasının təşviqi istiqamətində formalaşır.

Fərhad Kərimov İT və sistemlər sahəsi üzrə ekspertdir.

O, dövlət və özəl sektorda rəqəmsal xidmətlərin və innovativ həllərin tətbiqi, İT infrastrukturunun inkişafı istiqamətində layihələrdə iştirak edib.

İnformasiya Texnologiyaları və sistemləri sahəsində 15 ildən artıq təcrübəyə malikdir. Azərbaycan Dövlət Neft Fondunda İT şöbəsinin müdiri, Əmək və Əhalinin Sosial Müdafiəsi Nazirliyində E-xidmətlər və innovasiyalar şöbəsinin müdir müavini vəzifələrində çalışıb.

Azərbaycan Dövlət Neft Akademiyasının Energetika fakültəsində bakalavriat, Böyük Britaniyanın Essex Universitetində Müəssisələrin İT idarəetməsi ixtisası üzrə magistratura təhsili alıb. "Microsoft Valuable Professional" statuslu mütəxəssis və "Microsoft"-un rəsmi təlimçisidir.

Fəaliyyəti süni intellekt, rəqəmsal transformasiya, innovasiya ekosisteminin inkişafı və elmi tədqiqatların tətbiqi istiqamətinə yönəlib.

Azərbaycan Dövlət Neft və Sənaye Universitetində “Tətbiqi riyaziyyat” və “Riyazi informatika” ixtisasları üzrə təhsil alıb, texnika üzrə fəlsəfə doktorudur.

Elviz İsmayılov süni intellekt və yüksək məhsuldarlıqlı hesablama üzrə ixtisaslaşıb. 30-dan çox elmi məqalənin, 2 kitabın müəllifidir, 10 məqaləsi Scopus bazasına daxildir. 50-dən çox startapa mentorluq edib, Teknofest qaliblərinin mentoru olub, 3 Erasmus, 1 Horizon və 1 EIF layihəsində iştirak edib.

Ernesto Broderson - Beynəlxalq Sosial Təminat Assosiasiyasının İnformasiya və Kommunikasiya Texnologiyaları üzrə Texniki Komissiyasının koordinatoru və aparıcı mütəxəssisi

Nazilə Həşimzadə İKT, rəqəmsal transformasiya, GovTech və innovasiyalar üzrə ekspertdir.

Onun kurasiyası ilə DOST Agentliyində dövlət və sosial xidmətlərin rəqəmsallaşdırılması, iş proseslərinin optimallaşdırılması və e-Governance yanaşmalarının tətbiqi, eləcə də sosial xidmətlərdə süni intellekt texnologiyalarının tətbiqi imkanlarının araşdırılması və innovativ texnoloji həllərin inkişafı istiqamətində layihələr həyata keçirilir.

Ölkədə İKT sektorunun formalaşdığı ilk illərdən bu sahədə fəaliyyət göstərən ilk qadın mütəxəssislərdən biri olub. Sistem inteqrasiyası sahəsində neft və bank sektorlarında qlobal layihələrin idarə olunmasında iştirak edib. DOST Agentliyində İnformasiya Texnologiyaları departamentinin müdiri vəzifəsində çalışıb.

Nazilə Həşimzadə Azərbaycan Dövlət Universitetinin Riyaziyyat fakültəsini bitirib, Azərbaycan Milli Elmlər Akademiyasının Riyaziyyat və Mexanika İnstitutunda aspirantura təhsili alıb. "Femmes Digitales" təşkilatının təsisçilərindən biridir.

Yusuf Alper sosial təminat sistemləri və əmək münasibətləri üzrə ixtisaslaşmış mütəxəssisdir. Fəaliyyəti sosial təminat siyasətinin formalaşdırılması, qanunvericilik prosesinə töhfə və sosial tərəfdaşlar üçün strateji hesabatların hazırlanmasına yönəlib.

O, Türkiyənin İnkişaf Planları çərçivəsində Sosial Təminat üzrə Xüsusi İxtisas Komissiyasına rəhbərlik edib və sosial təminat islahatı prosesində iştirak edib. Türk Sənayeçi və İş İnsanları Dərnəyi (TÜSİAD) və bir sıra həmkarlar ittifaqları üçün sosial təminatla bağlı strateji hesabatların hazırlanmasına rəhbərlik edib.

Yusuf Alper Türkiyənin Əmək və Sosial Müdafiə Nazirliyinin rəsmi vasitəçisi, Akademik Sosial Təminat Platformasının qurucusu və sədr müavinidir. Hazırda Bursa Uludağ Universitetinin professoru kimi akademik fəaliyyətini davam etdirir. Sosial təminat sahəsində çoxsaylı məqalə və kitabların müəllifidir.

İnformasiya texnologiyaları və kibertəhlükəsizlik sahəsində uzunmüddətli təcrübəyə malikdir. Peşəkar fəaliyyətinə Azərbaycanın ilk internet provayderlərindən biri olan “Azerbaijan Data Network” (ADaNet QSC) şirkətində mühəndis kimi başlayıb və həmin şirkətdə icraçı direktor vəzifəsinədək yüksəlib. Ölkədə internet xidmətlərinin inkişafı və əlçatanlığının genişləndirilməsi istiqamətində fəaliyyət göstərib.

Murad Əsgərzadə sosial yönümlü İKT layihələrinin hazırlanması və həyata keçirilməsində iştirak edib. Heydər Əliyev Fondu, Rabitə və İnformasiya Texnologiyaları Nazirliyi və BMT-nin İnkişaf Proqramının (UNDP) dəstəyi ilə fiziki imkanları məhdud, xüsusilə görmə məhdudiyyətli insanlar üçün Bakı və regionlarda yaradılmış informasiya mərkəzlərinin texnoloji konsepsiyasının və arxitekturasının hazırlanmasına rəhbərlik edib. O, həmçinin mətn və internet resurslarının Azərbaycan dilində səsləndirilməsi üçün nitq sintezi həllinin yaradılması layihəsinə rəhbərlik edib.

Azərbaycan Texniki Universitetinin Avtomatika və Hesablama Texnikası fakültəsində bakalavr və magistr təhsili alıb. Psixologiya üzrə əlavə peşə təhsilinə malikdir.